Sparánacht ‘Ceannairí agus Foghlaimeoirí’ 1916

Oscailte le haghaidh iarratais ó Luan 30 Samhain go dtí Aoine 4 Nollaig ar 12:00in

Tá áthas ar Chnuasach Institiúidí Ard-Oideachais ‘Leinster Pillar 1’ cuireadh a chur amach le haghaidh iarratas do Sparánacht 2020 – 2021, ‘Ceannairí agus Foghlaimeoirí’ 1916 ó iarratasóirí a bheidh i dteideal ó na hInstitiúidí Ard-Oideachais seo a leanas – Institiúid Ealaíne, Deartha agus Teicneolaíochta Dhún Laoghaire (IADT); An Coláiste Náisiúnta Ealaíne is Deartha (NCAD); Institiúid Oideachais Marino (MIE); Coláiste na Tríonóide (TCD); agus Ollscoil Bhaile Átha Cliath (UCD). Tá an sparánacht seo maoinithe ag an ‘Programme for Access to Higher Education (PATH) Fund’, atá faoi bhainistíocht an Údaráis um Ard-Oideachas (HEA) thar ceann na Roinne Oideachais agus Scileanna (DES).

Tá sé mar aidhm ag an sparánacht tacaíocht a chur ar fáil do mhic léinn faoi mhíbhuntáiste socheacnamaíoch ó ghrúpaí nach mbíonn mórán daoine uathu san ard-oideachas, ina measc:

Grúpaí socheacnamaíocha a bhfuil ionadaíocht íseal acu san ard-oideachas
Mic léinn lánfhásta chéaduaire
Mic léinn le míchumas, go háirithe mic léinn le laige fhisiceach/shoghluaisteachta nó mic léinn le laige chéadfach, mic léinn atá bodhar nó le laige éisteachta agus mic léinn atá dall nó mic léinn lagamhairc
Lucht siúil ó Éirinn
Mic léinn atá ag tosú mar thoradh ar cháiliúchán breisoideachais
Tuismitheoirí aonair le híocaíocht de réir tástála acmhainne leas sóisialach ón Roinn Coimirce Sóisialaí
Mionlaigh eitneacha

Le bheith i dteideal cur isteach ar an sparánacht seo caithfidh iarratasóirí a bheith in ann a thaispeáint go bhfuil siad faoi mhíbhuntáiste socheacnamaíoch agus go dtagann siad ó cheann amháin ar a laghad de na grúpaí thuas.

Léigh ceisteanna coitianta chun tuilleadh eolais a fháil faoin bproiseas iarratais don sparánacht.

Sa bhliain 2020 – 2021 do mhic léinn Institiúid Oideachais Marino, tá suas le hocht sparánacht de €5,000 in aghaidh na bliana ar fáil d’fhad ama chlár fochéime an mhic léinn.

Tugtar cuireadh le haghaidh iarratas ó mhic léinn a bheidh ag tosú in Institiúid Oideachais Marino i Meán Fómhair 2020, do chlár fochéime lánaimseartha nó páirtaimseartha atá níos faide ná dhá bhliain.

CEISTEANNA

Cuir ríomhphost chuig [email protected]

Is féidir achomhairc a chur isteach laistigh de chúig lá oibre tar éis d’iarrthóirí eolas a fháil faoi thoradh an phróisis iarratais. Déanfar achomhairc a mheas go neamhspleách ar an mbonn go ndearnadh an t-eolas a cuireadh ar fáil a iniúchadh, a mheas agus a scóráil i gceart. Ní bheifear in ann níos mó doicimead a chur ar fáil ag an gcéim achomhairc.