Seirbhísí Comhairleoireachta

Tugann comhairleoireacht an t-am agus an spás chun iniúchadh a dhéanamh ar aon saincheisteanna a chuireann imní ort. Tugtar oiliúint speisialta do chomhairleoirí chun éisteacht go haireach agus chun timpeallacht thacúil, neamhbhreithiúnach a chur ar fáil áit gur féidir leat tabhairt faoi fhéinmhachnamh agus díriú ar d’fhorás pearsanta, do mheabhairshláinte agus d’fholláine.

Thíos tá liosta de roinnt de na deacrachtaí a bhíonn ag mic léinn a thagann chuig an tseirbhís chomhairleoireachta:  

• Strus/imní/go bhfuil rudaí ag dul sa mhuileann orthu
• A bheith in ísle brí
• Imní faoin socrúchán
• Íomhá choirp
• Imní faoi chúrsaí acadúla 
• Muinín/féinmheas  
• Cumha baile/uaigneas 
• Deacrachtaí chaidrimh/chlainne 
• Mí-úsáid alcóil nó substaintí 
• Féiniúlacht (Ghnéis, Inscne, Eitneach, srl.) 
• Ciapadh nó mí-úsáid Chorpartha, Ghnéis, Mothúchánach nó Íde béil 
• Méala

Tá dhá bhealach chun bualadh le Comhairleoir na Mac Léinn:  

1. Socraigh dáta na chomhairliúcháin tosaigh trí leas a bhaint as an gcóras áirithinte ar líne, cliceáil anseo
2. Buail isteach go Seomra 41/42 i Hall Naomh Pádraig (Foirgneamh na Leabharlainne) ó Luan go hAoine ó 12:30i.n.-1:30i.n.   

Coinne Chomhairleoireachta Práinneach.  

Má tá gá práinneach labhairt le Comhairleoir na Mac Léinn, seol ríomhphost chuig  [email protected] chun coinne ar an lá céanna a iarraidh. 

Tá tacaíocht taobh amuigh de ghnáthuaireanta oibre ar fáil ó na seirbhísí seo a leanas 24/7:    

Seirbhís Otharchairr, Garda, Dóiteáin 

Glaoigh ar 999 nó 112  

I gcás éigeandála, glaoigh ar 999 nó 112.   

Is féidir leat teacht ar an Roinn Timpistí agus Éigeandála cóngaraí duit trí chliceáil ar: https://www2.hse.ie/services/emergency-departments/

Líne Téacs Géarchéime  

Tá líne théacs géarchéime 24/7 ar fáil do gach mac léinn. Tosaigh comhrá ina thaobh trí MIE a théacsáil chuig 50808  

Líne Chabhrach Náisiúnta Éigeandála um Éigniú (Cuireann sé tacaíocht ar fáil do dhaoine a rinneadh ionsaí gnéasach orthu)  

1800 778 888  

D-Doc ar an taobh thuaidh den chathair (Seirbhís leighis DG taobh amuigh de ghnáthuaireanta oibre. Gabhann táillí leis)  

0818 22 44 76  

Teach Pieta (Cuirtear tacaíocht ar fáil do dhaoine i mbaol féinghortaithe)  

Glaoigh ar 1800 247 247 nó téacsáil HELP chuig 51444  

Samaritans (Cuirtear tacaíocht mhothúchánach ar fáil do dhaoine le dúshláin pearsanta)  

116 123   

Togetherall (Cuirtear piarthacaíocht agus cúrsaí féinchabhracha ar fáil)  

https://togetherall.com/en-ie/  

Tá tacaíocht ar fáil ó na seirbhísí seo a leanas. Le do thoil féach ar na suíomhanna gréasáin ar leith do na huaireanta oscailte.  

AWARE (Cuirtear tacaíocht ar fáil do dhaoine le himní mheabhairshláinte)  

1800 804 848  

Seirbhís Chúnaimh do Thurasóirí in Éirinn (ITAS) (Tugtar cabhair do chuairteoirí a rinneadh cor orthu)

01 666 9354  

Líne Chabhrach LADT+   

1800 929 539  

(Luan- Déardaoin 6.30i.n. – 10i.n. Aoine 4.00i.n.-10.00i.n. Satharn-Domhnach 4.00i.n.-6.00i.n.)  

Cúnamh d’Fhir (Cuirtear tacaíocht ar fáil d’fhir a imrítear foréigean baile orthu)  

01 554 3811  

Cúnamh do Mhná (Cuirtear tacaíocht ar fáil do mhná a imrítear foréigean baile orthu)  

1800 341 900  

Tá acmhainní ar líne agus acmhainní féinchabhracha ar fáil sa Treoirleabhar Leabharlainne ar Mheabhairshláinte agus Folláine nó is féidir bualadh isteach chuig an leabharlann agus tabharfaidh an fhoireann cabhair duit.

Tá leabhair agus acmhainní ar líne ar fáil a bhaineann le hábhair éagsúla, ina n-áirítear:  

• Féinmheas & Íomhá Choirp 
• Imní
• Muinín/Féinmheas 
• Teacht aniar
• Féinatrua
• Amanna deacra a bhainistiú 
• Bainistíocht ama
• Foghlaim éifeachtach
• Féinchúram
• …go leor ábhair eile 

Stiúrthóir 

Deirdre Flynn - is í Stiúrthóir an tSeirbhís Chomhairleoireachta do Mhic Léinn in IOM (páirtaimseartha). Tá sí cláraithe mar Síciteiripeoir agus mar Mhaoirseoir creidiúnaithe le Comhairle na hÉireann um Shíciteiripe (IACP) agus is ball í de Chomhairleoirí Síceolaíochta san Ardoideachas in Éirinn (PCHEI).  Bhí sí mar Stiúrthóir ar Sheirbhísí Comhairleoireachta na Mac Léinn, Forbairt Foghlama do Mhic Léinn agus Mac Léinn do Mhac Léinn (S2S), i gColáiste na Tríonóide ó 1993 go 2021. Chomh maith leis sin, tá obair déanta aici i réimse suíomhanna agus róil, ina n-áirítear suíomhanna pobail, ospidéil agus suíomhanna oideachais anseo in Éirinn agus thar lear.   

Tá Deirdre tiomanta do sheirbhísí ardchaighdeáin a chur ar fáil do mhic léinn atá bunaithe ar fhianaise agus ar chaighdeáin dea-chleachtais, ag obair i gcomhpháirt le comhghleacaithe agus mic léinn IOM. Más mian leat bualadh léi chun forbairt na Seirbhíse Comhairleoireachta do Mhic Léinn IOM a phlé, tá sí ar an gcampas dé Máirt agus dé Déardaoin.     

Foireann Comhairleoireachta

Orla Stafford - is Comhairleoir na Mac Léinn í in IOM (lánaimseartha). Is Síciteiripeoir creidiúnaithe í le Cumann na hÉireann um Chomhairleoireachta agus Síciteiripe (IACP) agus is ball í de Chomhairleoirí Síceolaíochta san Ardoideachas in Éirinn (PCHEI).   

Tá an-chuid taithí ag Orla ag tabhairt tacaíochta do mhic léinn tríú leibhéal i réimsí ina n-áirítear: imní, mothú go bhfuil rudaí ag dul sa mhuileann orthu, íomhá choirp agus féinmhuinín. Déanann Orla a hobair le braistint comhbhá i gcur chuige comhtháiteach ina measctar cur chuige duinedhírithe, teiripe chognaíochta agus iompraíochta (CBT) agus sícidinimiciúil chun an próiseas teiripe a stiúradh.

Eimer Kernan - is Comhairleoir na Mac Léinn í in IOM (páirtaimseartha).  Is Síciteiripeoir réamhchreidiúnaithe í le Cumann na hÉireann um Chomhairleoireachta agus Síciteiripe (IACP) agus is ball í de Chomhairleoirí Síceolaíochta san Ardoideachas in Éirinn (PCHEI).

Tá cúlra aici i gcomhairleoireacht agus síciteiripe iolraíoch agus úsáideann Eimer réimse cur chuige ina hobair le mic léinn, ina n-áirítear cur chuige caonnachaíoch/duinedhírithe,  teiripe chognaíochta agus iompraíochta (CBT) agus chomhtháiteach. Tuigeann sí go maith go bhfuil cás uathúil ag gach mac léinn agus oibríonn sí go comhoibríoch chun plean uathúil a dhearadh le gach mac léinn chun míshuaimhneas a laghdú agus sláinte agus folláine ginearálta a fheabhsú. Tá Eimer ar an gcampas dé Luan agus dé Déardaoin.   

Lynne Chen - is Comhairleoir na Mac Léinn í in IOM (lánaimseartha) *.  Is Síciteiripeoir creidiúnaithe í le Cumann na hÉireann um Chomhairleoireachta agus Síciteiripe (IACP) agus is ball í de Chomhairleoirí Síceolaíochta san Ardoideachas in Éirinn (PCHEI).   

Tá obair déanta ag Lynne i seirbhísí sóisialta agus seirbhísí teaghlaigh éagsúla in Éirinn agus thar lear. Tá a taighde dírithe ar an bhféiniúlacht eitneach agus an tsíciteiripe in Éirinn agus tá sí tiomanta d’fhorbairt agus do sholáthar seirbhís chomhairleoireachta a aithníonn agus a chuireann suim i ndínit agus in éagsúlacht gach mac léinn.   

*Tá Lynne ar saoire óna post faoi láthair. 

Seisiún Scileanna 

Shalaleh Karkon - is Síceolaí Cúnta í sa tSeirbhís Chomhairleoireachta do Mhic Léinn in IOM (páirtaimseartha). Tá Ph.D. á chríochnú aici i gColáiste na Tríonóide agus tá taighde déanta aici cheana i mbraistint chómhuintearais i measc Mac Léinn Idirnáisiúnta Tríú Leibhéil in Éirinn. Tugann Shalaleh comhairliúcháin tosaigh agus seisiún scileanna do mhic léinn IOM a thagann chuig an tSeirbhís Chomhairleoireachta do Mhic Léinn, seisiún scileanna ina n-áirítear imní & mothú go bhfuil gach rud ag dul sa mhuileann a bhainistiú, codladh, siléig, agus smaointe dearfacha. Tá sí ar an gcampas dé Máirt.